Tbilisi Open Air-ის ციებ-ცხელება იწყება. ფესტივალი ოფიციალურად “ფაბრიკაში” 19 მარტს დაასახელებს იმ ჯგუფებს, რომლებიც ზაფხულში თბილისს ეწვევიან.
ფესტივალი წელს 10 წლის იუბილეს აღნიშნავს და აპირებს მსმენელს განსაკუთრებული სიურპრიზები გაუკეთეს. ტრადიციულად ოფიციალურად გამოცხადებამდე რამდნეიმე დღით ადრე ყოველთვის ხდება ცნობილი ერთ-ერთი ჰედლაინერი. ასე იყო ANathema-ს შემთხვევაში, ამჯერად კი ასევე ანონიმურად გავრცელებული ინფორმაციით, ერთ-ერთი ასეთი სიურპრიზი ცნობილი შოტლანდიური ჯგუფი Franz Ferdinand იქნება.
ჯგუფი 2002 წელს დაარსდა, 2004 წელს გამოცემული სადებიუტო ალბომით Franz Ferdinand მაშნვე აღმოჩნდა ჩარტების სათავეში, განსაკუთრებით კი გამოირჩევა გრემის ნომინანტი ჰიტი ამავე ალბომიდან სახელწოდებით Take me out.
