The BearFox 2013 წელს ქალაქ თბილისში დაარსდა, როდესაც ირაკლი მანჩხაშვილმა და მერაბ ნუცუბიძემ გადაწყვიტეს დუეტი ჩაეწერათ. მათ ჯგუფის პირველი სიმღერა Holding you შექმნეს. სიმღერა საკმაოდ პოპულარული აღმოჩნდა და მათ გადაწყვიტეს, რომ ჯგუფის არსებობას აზრი ჰქონდა. მოგვიანებით შეიქმნა ჯგუფის ასევე საკმაოდ პოპულარული სიმღერა Lullaby.
ჯგუფმა დაუკრა Tbilisi Open Air-ზე, რამაც ჯგუფს პოპულარობა უფრო შესძინა. ჯგუფმა საზღვარგარეთაც დაიწყო ფესტივალებზე დაკვრა. პირველი გასვლა მათ პოლონეთში ჰქონდათ.
როგორც ჯგუფის წევრები აცხადებენ მათ მუსიკის შექმნას ბუნება შთააგონებს, თავისი ცხოველებით და ფრინველებით, ასევე ადამიანური ურთიერთობები, ნამდვილი მეგობრობა და მუსიკის სიყვარული.
ჟანრი: ინდი როკი, პოსტ როკი.
ჯგუფის წევრები
ირაკლი მანჩხაშვილი (ბეთხო)
მერაბ ნუცუბიძე (მებო)
