ფესტივალ Sonisphere ვებ გვერდზე, ძალიან საინტერესო ინტერვიუ გამოქვეყნდა რომელიც Slipknot–ის გიტარისტს, ჯიმ რუთს ეკუთვნის. ინტერვიუში მან აღიარა რომ დღემდე ჯგუფმა არ იცის დაიწყოს თუ არა ახალი ბასისტის ძიება, თუ საერთოდ შეწყვიტონ არსებობა.
რუთის ცნობით უახლოესი ორი წელი ის და კორი ტეილორი საკონცერტო ტურნეებს გამართავენ მსოფლიოს გარშემო, მათ პროექტ Stone Sour თან ერთად. მხოლოდ ამის შემდეგ გადაწყდება Slipknot ის ბედი.
"მე არ შემიძლია გითხრათ შეძლებთ თუ არა ოდესმე ჯგუფის სცენაზე ხილვას, თუმცა ერთი რამის თქმა ნამდვილად შემიძლია, დიდმა დრომ უნდა გაიაროს რომ ჩვენ თუნდაც გავიფიქროთ ამაზე. არც ერთ ჩვენთაგანი დღეს ამაზე არ ფიქრობს, ეს წარმოუდგენელია, ძალიან გვიჭირს იმისი წარმოდგენა რომ პოლის ნაცვლად სცენაზე ვინმე სხვა დაუკრავს. ძალიან გვიჭირს მომხდარის დაჯერება." განაცხადა რუთმა.
როგორც ჩანს ჯგუფი მინიმუმ 2 წლით დაემშვიდობება სცენას, თუმცა ძალიან დიდი კითხვის ნიშნის ქვეშ დგას ჯგუფის საერთოდ არსებობა. მითუმეტეს რომ კორი ტეილორის მეორე პროექტი, ჯგუფი Stone Sour სულ უფრო პოპულარული ხდება, რაც მისგან კიდევ უფრო მეტ ძალისხმევას მოითხოვს, ძნელია იმისი თქმა დარჩება თუ არა მას იმისი ფიზიკური და სულიერი ძალები რომ Slipknot–ი შეინარჩუნოს, მითუმეტეს ამ ტრაგედიის შემდეგ.
