როგორც აქამდე ვიუწყებოდით ქართულმა გოთიკ მეტალ ჯგუფმა "Adyta" წარმატებით შეძლო ფესტივალის პირველი ეტაპის დაძლევა და 70 საუკეთესო ჯგუფს შორის მოხვდა, მეორე ეტაპზე კი მათ თქვენი დახმარება სჭირდებოდათ, რადგან ამ ეტაპზე სწორედ მსმენელის ხმა წყვეტს თუ რომელი ჯგუფი შეძლებს ფესტივალის ძირითად ბადეში მოხვედრას. აი დღეს კი ჯგუფის ოფიციალური პრეს რელიზი გავრცელდა საიდანაც ირკვევა რომ ჯგუფმა თქვენი დახმარებით შეძლო ბოლო ეტაპის დაძლევა, რაც იმას ნიშნავს რომ წელს პირველად, ფესტივალზე "Deti Nochi: Chorna Rada 2010" ქართული ჯგუფი მიიღებს მონაწილეობას.
საიტის ადმინისტრაცია ულოცავს ჯგუფს ამ წარმატებას!
გთავაზობთ ჯგუფის ოფიციალურ პრეს რელიზს– "წელს საქართველოს სახელით უკრაინის საერთაშორისო ფესტივალზე "Deti Nochi: Chorna Rada 2010" ჯგუფი Adyta გავიდა! 280 კანდიდატიდან ჯგუფი 10 საეკეთესოს შორის მოხვდა. ფესტივალი ჩატარდება უკრაინის ქალაქ კიევში 18.09.2010 კლუბ "ბინგო" –ში. უღრმესი მადლობა ყველას მხარდაჭერისთვის!
ფესტივალის ოფიციალური ვებ გვერდი http://deti-nochi.kiev.ua
